“Atalanta”nın müdafiəçisi Raul Bellanova zədəyə görə komandadan uzaq qalacaq.
Korner.az xəbər verir ki, 25 yaşlı italiyalı oyunçu UEFA Çempionlar Liqasının 6-cı turunda “Çelsi” ilə oyunda (2:1) zədələnərək, 17-ci dəqiqədə əvəzlənib.
Tibbi müayinənin nəticəsinə görə, Bellanovada sağ budun arxa hissəsindəki “hamstrinq” vətəri zədələnib. Bu səbəbdən müdafiəçinin təxminən 40–45 gün meydandan və məşqlərdən kənar qalacağı bildirilir.
Qeyd olunur ki, İtaliya millisinin üzvü Bellanova bu mövsüm “Atalanta”nın heyətində 19 matçda çıxış edib və 1 məhsuldar ötürmə edib.