37 yaşlı ulduz yayda klubdan ayrılmaq istəmir
12.12.2025 , 13:30
“Barselona”nın ulduz hücumçusu Robert Levandovski yay transfer dönəmində komandadan ayrılmağı planlaşdırmır.
Korner.az xəbər verir ki, onun klubla müqaviləsi mövsüm bitdikdən sonra başa çatacaq olsa da, polşalı futbolçu karyerasını məhz Kataloniya təmsilçisində davam etdirmək niyyətindədir.
Xarici KİV yazır ki, 37 yaşlı forvardın əsas hədəfi “Barselona”da qalmaqdır və o, bunun üçün maaşının azaldılması variantına da müsbət yanaşır. Levandovski Hans-Diter Flikin rəhbərliyi altında keçirdiyi cari mövsümdə bütün turnirlər üzrə 17 matçda iştirak edib, komandaya 8 qol və 2 assistlə töhfə verib.
Qeyd edək ki, təcrübəli hücumçu 2026-cı ilin avqustunda 38 yaşını qeyd edəcək.
