Qoretskanın növbəti ünvanı İngiltərə ola bilər
04.02.2026 , 20:58
“Bavariya”nın yarımmüdafiəçisi Leon Qoretska mövsüm başa çatdıqdan sonra klubdan ayrılmağa yaxındır.
Korner.az xarici KİV-ə istinadən xəbər verir ki, almaniyalı futbolçu müqaviləsinin bitməsi ilə azad agent olacaq və karyerasını İngiltərə Premyer Liqasında davam etdirməyi düşünür.
30 yaşlı oyunçu ilə “Arsenal” yaxından maraqlanır. Qoretska özü də İngiltərə futbolunun temp və fiziki gücə əsaslanan üslubunun ona daha uyğun olduğunu bildirib.
Yarımmüdafiəçi cari mövsümdə “Bavariya”nın heyətində 28 oyuna çıxıb və 1 qolla yadda qalıb. 2018-ci ildən Münhen klubunun formasını geyinən futbolçunun müqaviləsi iyunun sonunda başa çatır.
