Transfer yarışı başlayır: Livramento hansı kluba keçəcək?
17.11.2025 , 22:50
“Mançester Siti” “Nyukasl”ın sağ cinah müdafiəçisi Valentino Livramento ilə maraqlanan klublar arasındadır.
Korner.az xəbər verir ki, 23 yaşlı futbolçunun adı “şəhərlilər”in 2026-cı ilin yay transfer planında yer alan namizədlərdən biri kimi göstərilir.
Futbolçu ilə “Mançester Yunayted”in də maraqlandığı bildirilir, lakin klub tərəfindən hələlik rəsmi addım atılmayıb.
Qeyd edək ki, Livramentonun “Nyukasl”la müqaviləsi 2028-ci ilin ortalarınadək qüvvədədir. O, cari mövsümdə 8 rəsmi matçda iştirak edib və 1 asistlə yadda qalıb.
