Messi 2026 Dünya Çempionatında oynamağı planlaşdırır
03.11.2025 , 20:15
“İnter Mayami” və Argentina millisinin hücumçusu Lionel Messi 2026-cı il dünya çempionatında oynaması ilə bağlı açıqlama verib.
Korner.az xarici KİV-ə istinadən xəbər verir ki, Messi bunun üçün ən yaxşı fiziki formada olmağın vacib olduğunu vurğulayıb:
“Dünya çempionatına getmək üçün böyük bir istəyim var. Amma komandaya kömək edə bilmək üçün ən yaxşı formada olmalıyam. Onlara mənim ən yaxşı formada olmam lazımdır”.
Qeyd edək ki, 2026-cı il dünya çempionatı ABŞ, Meksika və Kanadada keçiriləcək. Argentina millisi son turnirin qalibi olub və finalda Fransa yığmasını penaltilərlə məğlub edərək çempionluğa yüksəlib.
