“Everton”un hücumçusu Türkiyə klubuna keçir?
01.05.2025 , 13:15
“Beşiktaş” yeni mövsümdə heyətini mərkəz hücumçusu ilə gücləndirmək üçün İngiltərəyə üz tutub.
Korner.az xəbər verir ki, Superliqa təmsilçisi “Everton”da çıxış edən Beto ilə maraqlanır.
Bu barədə “Takvim” məlumat yayıb.
Xəbərdə, İstanbul klubunun yaxın günlərdə futbolçunun meneceri ilə görüşəcəyi bildirilib.
27 yaşlı futbolçunun hazırda bazar dəyəri 20 milyon avro olaraq qiymətləndirilir. Onun klubu ilə müqaviləsinin müddəti 2027-ci ilə qədər qüvvədədir.
Bu mövsüm 31 matçda meydana çıxan hücumçu 10 qol vurub və 1 məhsuldar ötürmə ilə yadda qalıb.
