Transfer mövsümü artıq bitmək üzrədi. Avropanın nəhəng klubları yay transfer bazarlığında fəallıq nümayiş etdirməkdədirlər.
Korner.az-ın verdiyi məlumata görə, bu il, 2012-ci ilin ən bahalı transferi iki gün bundan öncə Rusiyanın "Zenit" klubu imza atdı. Belə ki, Sankt-Peterburq təmsilçisi Portuqaliyanın "Portu" klubundan Hulku sıralarına qatmaqla bu ilin ən bahalı transferini Avropada reallaşdırmış olub. Bu futbolçunun "Zenit"ə keçidi 50-60 milyon avro civarında başa gəlib.
2012-ci ilin ikinci ən bahalı transferi isə Fransanın PSJ klubuna məxsusdu. Paris təmsilçisi "Milan"dan Tiaqo Silvanı 42 milyon qarşılığında Fransaya gətirə bilib.
Mövsümün üçüncü bahalı transferi isə rus milyarder Roman Abramoviçin pullar tökdüyü "Çelsi" klubuna aiddi. Belə ki, London klubu "Lill"dən Eden Hazardı sıralarına qatmaq üçün 40 milyon avrosundan keçməli olub.
Bahalı transferlərin ilk "dördlüyü"nü "San Paulo"nun futbolçusu Lukas Moura tamamlayır. PSJ Mouronun transferi üçün Braziliya klubuna 40 milyon avro verməli olub.
Beşinci pillədə isə "Bavariya"nın Bilbao "Atletik"indən transfer etdiyi Xavi Martinez durur. Almanlar bu transferə görə 40 milyon avro tərləməli olublar.
Aşağıdakı cədvəldə yay mövsümü başlayandan bu yana tranfer olunan ən bahalı 20 oyunçu göstərilib:
1. Hulk "Portu" – "Zenit" 50-60 milyon avro
2.Tiago Silva "Milan" – PSJ 42 milyon avro
3 Eden Hazard "Lill" – "Çelsi" 40 milyon avro
4.Lukas Moura "San Paulo" – PSJ 40 milyon avro
5.Xavi Martinez "Atletik" (Bilbao) – "Bavariya" 40 milyon avro
6.Oskar "İnternasional" – "Çelsi" 32 miyon avro
7.Van Persi "Arsenal" – "Mançester Yunayted" 30 milyon avro
8.Luka modriç "Totenhem"– "Real" (Madrid) 30 milyon avro
9 .Lavezzi "Napoli" – PSJ 26 milyon avro
10.Zlatan İbrahimoviç "Milan" – PSJ 21 milyon avro
11.Aleks Sonq "Arsenal" – "Barselona" 19 milyon avro
12.Santi Kasorla "Malaqa" – "Arsenal" 19 milyon avro
13.Musa Dembele "Fulhem" – "Tottenhem" 19 milyon avro
14. Joe Allen "Suonsi" – "Liverpul" 19 milyon avro
15.Traore Kuban "Krasnodar" – "Anji" 18 milyon avro
16.Marko Reus "Borussiya M." – "Borussiya Dortmund" 17 milyon avro
17.Şinji Kagava "Borussiya D" – "Mançester Yunayted" 16 milyon avro.
18.S.Fletcer "Vulverhemton" – "Sanderlend" 15.2 milyon avro
19.Cek Rodvell "Everton" – "Mançester Siti" 15 milyon avro
20. Jordi Alba "Valensiya" – "Barselona" 14 miyon avro
SƏXAVƏT QURBANOV
