"Rəvan” Premyer Liqada ardıcıl 4-cü qələbəsini qazanandan sonra baş məşqçi Ramil Əliyevin istəyi ilə futbolçulara 2 günlük istirahət verilmişdi. Komanda fasiləyə bu gün son qoyub.
Korner.az-ın klubun rəsmi saytına istinadən verdiyi məlumata görə, "Bayıl Arena”da toplaşan komanda üzvləri qısa isinmə hərəkətlərindən sonra birbaşa toplu çalışmalara keçib. Baş məşqçinin istəyinə əsasən futbolçuların eyni zamanda fiziki dözümlüyünü artırması üçün xüsusi təmrinlərə də yer ayrılıb.
Təxminən 2 saat davam edən məşqdə qolundan zədəsi olan qapıçı Murad Qənbərov istisna olmaqla, komandanın bütün üzvləri iştirak edib.
"Rəvan" – AZAL matçı aprelin 19-u baş tutacaq.
