Avropanın ən çox məğlubiyyət görən milli komandalarından olan San-Marino yığmasının çalışdırıcısı Campaolo Mazza istefa verib.
Korner.az-ın məlumatına görə, 1998-ci ildən bu postda çalışan italyan baş məşqçi bu müddət ərzində "cırtdan ölkə"nin komandasını 76 matça çıxarmışdı.
Bu qarşılaşmaların 75-də məğlub olan komanda yalnız 1 qarşılaşmada – 12 il bundan əvvəl Latviya ilə oyunda – 1:1 hesablı heç-heçə etmişdi.
Mazza istefasına səbəb kimi 15 il ərzində heç bir qələbə qazana bilməmələrini göstərib.
