Futbol üzrə Fransa yığmasının əfsanəvi qapıçısı Rene Lensye 100 yaşında vəfat edib.
Korner.az-ın məlumatına görə, bu ilin iyulunda Lensyenin 101 yaşı tamam olacaqmış.
Rene Lensye 1935-1939-cu illər arasında Fransa yığmasının heyətində 11 oyun keçirib. 1934 və 1938-ci illər dünya çempionatlarının iştirakçısı olub. O, İkinci Dünya müharibəsinə kimi keçirilən dünya çempionatlarının sağ qalan yeganə iştirakçısı idi.
1933/1934-cü illər mövsümündə “Seta”nın tərkibində Fransa çempionu olub və ölkə kubokunu qazanıb. Karyerası ərzində “Sent-Etyen” və “Tuluza”nın da şərəfini qoruyub.
