“Fənərbağça” məhkəmə qərarı ilə prezidentliyinə qadağa qoyulan Aziz Yıldırım üçün sürpriz təklif hazırlayıb.
Korner.az-ın məlumatına görə, bu barədə klubun Yüksək Divan Kurulunun rəhbəri Yüksel Günay məlumat verib.
O, bildirib ki, 25 yanvarda keçiriləcək iclasda Aziz Yıldırıma fəxri prezidentlik təklif edəcəklər: “Biz Aziz Yıldırımın rəsmi şəkildə prezidentliyini bitirməyə məcbur olsa da, sonsuzadək “Fənərbağça” prezidenti qalmasını istəyirik. Onunla bu barədə hələ danışmamışıq. Çünki hazırda ölkə xaricindədi. Gələn həftə vətənə dönəcək. Bununla bağlı söhbət edəcəyik”.
