Əliyar Ağayev yenidən Yunanıstan Superliqasında
29.04.2022 , 14:13
Azərbaycanın FİFA referisi Əliyar Ağayev növbəti dəfə Yunanıstanın yüksək liqasının vacib oyununa təyinat alıb.
Korner.az Yunanıstan Superliqasının saytına istinadən xəbər verir ki, o, ölkə çempionatının çempionluq qrupunun 6-cı turunda keçiriləcək “Panatinaikos” – “Aris” matçının baş hakimi olacaq. Ona həmyerliləri Zeynal Zeynalov və Akif Əmirəli köməklik göstərəcək. Dördüncü hakim funksiyasını Spiridon Zampalas (Yunanıstan) yerinə yetirəcək.
Qeyd edək ki, sözügedən görüş mayın 1-i Bakı vaxtı ilə saat 20:00-da başlayacaq.
