“Ali Koç seçilsin ya da Aziz Yıldırım davam etsin. Mən gəlmək istəmirəm”
Bu sözləri Fənərbaxçanın əfsanə futbolçularından Alex de Souza “Storia”da azərkeşlərinin suallarını cavablandırarkən deyib. Futbolçu ona yönəldilən “Əgər Ali Koç Klubun Prezidenti olsa, rəhbər mövqelərdən birinə gəlməyi düşünürsünüzmü?” sualına “Bu seçkilərdə heç kimi dəstəkləmirəm. Aziz Yıldırım uzun müddətdir ki, prezidentdir. Klub üçün əlindən gələni edib. Ali Koç da onunla birgə çalışıb. Kim qalib gələcək? Bu mənim üçün önəmli deyil. Ali Koç qalib gəlsin və ya Aziz Yıldırım davam etsin. Mən gəlmək istəmirəm” deyə cavab verib.
Futbolçuya yönəldilən digər bir sual isə “”Qalatasaray” və ya “Beşiktaş”da oynamağı düşünmüsünüzmü” sualını isə “Xeyir, mənim hekayəm Fənərbaxçadan ibarətdir. Qısa bir müddət oynasam da kluba və azərkeşlərə çox dərin hislərim və hörmətim var. Onlar hər zaman mənə və ailəmə çox yaxşı davrandılar” deyə cavablandırıb.
Xatırladaq ki, Alex de Souza 2004-2012 ci illərdə “Fənərbaxça” klubu ilə bir çox uğurlara imza atıb. 3 Süper Liga çempionluğu, 1 Türkiyə kuboku və 2 Süper Kubok sevinci yaşayan Alex 2 dəfə də qol kralı seçilib.
