Avqustun 4-ü UEFA Avropa Liqasının üçüncü təsnifat mərhələsinin cavab oyununda “Qəbələ” Fransanın “Lill” komandasını qəbul edəcək.
Korner.az-ın klubun saytına istinadən yaydığı xəbərə görə, “Bakcell Arena”da baş keçiriləcək oyun öncəsi baş məşqçilərin mətbuat konfransı oyundan bir gün əvvəl – avqustun 3-də saat 19:30-da arenanın media zalında start götürəcək.
İlk olaraq jurnalistlərin önünə “Lill”in baş məşqçisi Frederik Antonetti çıxacaq. 20:30-da isə “Qəbələ”nin baş məşqçisi Roman Qriqorçuk media nümayəndələrinin suallarını cavablandıracaq.
Komandaların oyunöncəsi son məşqi də “Bakcell Arena”da baş tutacaq. “Lill” saat 20:00-da, “Qəbələ” isə 21:00-da hazırlıqlarını tamamlayacaq.
