Bu gün Topaz Premyer Liqasının ilk turunun III oyunu keçirilib. Zirə İdman Kompleksində meydan sahibi “Zirə” “Səbail”i qonaq edib.
Qolla başlayan oyunda sevinən tərəf “Zirə” olub. Matçın yekun hesabı – 2:1.
Oyundan sonra keçirilən mətbuat konfransında “Səbail” in baş məşqçisi Samir Əliyev jurnalistlərin suallarını cavablandırıb:
– İlk oyun üçün komandadan razı qaldınızmı?
– Komanda sıfırdan yığılıb. Bu gün kollektivvlə birlikdə olmağımızın iki ayı tamam oldu. Ümumi baxdıqca, oturuşmuş komandaya qarşı oynadıq. İlk dəqiqələrdə həyəcan olacağından qorxurduq. Bu da oldu. Qol epizodlarımız oldu. Yararlana bilmədik.
– Transfer planı varmı?
– Futbolçumuz var. Rəhbərlik şərait yaratdı, bizim seçdiyimiz futbolçular var. Boşluqlar olması normaldı. Yeni komandayıq, həm də gənc kollektivdi. Birlikdə az oyun keçirmişik.
– “Səbail”in əsas məqsədi nədi?
– Bu il yaxşı komanda formalaşdırmaqdı. Növbəti il üçün ciddi məqsədlər qoyulacaq. Əsas hədəf “qapazaltı” olmamaqdı
