“Burada çox mükəmməl layihələrin reallaşdırıldığının şahidi oldum və gördüklərim məni yaxşı mənada təəcübləndirdi".
Korner.az-ın məlumatına görə, bu sözləri Gənc Reportyorlar Proqramının rəhbəri Keir Reydnic deyib.
"Qəbələ" FK-nın təlim-məşq bazası ilə tanışlıqdan sonra gabalafc.az-la fikirlərini bölüşən Reydnic gördüklərinin onu yaxşı mənada təəcübləndirdiyini bildirib:
"Əminliklə söyləyə bilərəm ki, “Qəbələ” FK doğru yoldadır. Qəbələdə görülən işlər Azərbaycan futbolunun möhkəm təməllər üzərində inkişaf etməsini təmin edir. Həyata keçirilənlər təkcə futbolla bağlı deyil, bu həm də sosial prosesdir. Belə gözəl, hər cür şəraitə malik bazanın tikilməsi uşaqlara futbolu sevdirir. Bu günün uşaqları isə gələcəyin potensial futbolçuları, məşqçiləri və azarkeşləridir. “Qəbələ”yə layihələrin reallaşdırılmasında uğurlar arzulayıram”.