“Nə deyəcəyimi bilmirəm, finala çıxmaq bizim üçün inanılmaz uğurdu”. Bu sözləri “Liverpul”un müdafiəçisi Alberto Moreno deyib.
Müdafiəçi Çempionlar Liqasının yarımfinal mərhələsinin cavab matçında “Roma”ya uduzandan (2:4) sonra jurnalistlər önünə çıxıb. İlk görüşdə 5:2 hesablı zəfərə sevindiyi üçün finala yüksələn İngiltərə təmsilçisinin üzvü Ronaldo haqda maraqlı fikir səsləndirib: “Əlimdə İmkan olsa, finaldan öncə Kriştiano Ronaldonu öldürərəm. Çox təhlükəli futbolçudu”.
İspan futbolçu “Liverpul”un ulduzu Məhəmməd Salah haqqında da bir neçə cümlə söyləyib: “Salah möhtəşəm oyunçudu. Mövsüm boyu bizim üçün çox önəmli işlər görüb. Ümid edirəm ki, finalda da özünəməxsus oyununu sərgiləyə biləcək”.
