Ərəblərdən Salah üçün fantastik maaş təklifi
09.02.2026 , 22:30
“Liverpul”un ulduz futbolçusu Məhəmməd Salahın gələcəyi ilə bağlı yeni iddialar ortaya çıxıb.
Korner.az xarici KİV-ə istinadən xəbər verir ki, misirli vingerin karyerasını Səudiyyə Ərəbistanında davam etdirmə ehtimalı gündəmdədir.
“Əl-Nəsr” klubu 33 yaşlı hücumçunu heyətinə qatmaq niyyətindədir. Mənbənin məlumatına görə, Səudiyyə təmsilçisi Salaha həftəlik 1,2 milyon funt-sterlinq maaş təklif etməyi planlaşdırır. Bu məbləğ onun hazırda “Liverpul”da aldığı məvacibdən təxminən üç dəfə çoxdur.
Qeyd edək ki, Məhəmməd Salah cari mövsümdə “Liverpul”un heyətində 25 rəsmi matçda 6 qol və 6 assistlə yadda qalıb. Onun İngiltərə klubu ilə müqaviləsi 2027-ci ilin yayına qədər qüvvədədir.
