Ağır atletika tarixində ilk üçqat olimpiya, yeddiqat dünya çempionu Naim Süleymanoğlunun səhhəti ağırlaşıb.
Bir müddət əvvəl qara ciyəri dəyişdirilən 50 yaşlı Süleymanoğlu dünən beyin qanaması keçirdiyi üçün təcili əməliyyat edilib. 1 saat 30 dəqiqə davam edən əməliyyatdan sonra o, reanimasiyaya yerləşdirilib. Həkimlərin bildirdiyinə görə, sabiq idmançının hazırda durumu sabit olsa da, həyati təhlükəsi davam edir.
Əməliyyatdan sonra Türkiyə prezidenti Rəcəb Tayyib Ərdoğanın Süleymanoğlunun ailə üzvləri ilə telefonla danışdığı və onun səhhəti barədə məlumat aldığı bildirilib.
