“İnter”in futbolçusu Əfran İsmayılovun karyerasını komandasında davam etdirib-etdirməyəcəyi bəlli deyil.
Bu barədə korner.az-a açıqlamasında futbolçu özü məlumat verib.
Mövsümün sonunda “İnter”lə müqaviləsi başa çatacaq İsmayılov hələ heç nəyin məlum olmadığını bildirib:
“Bugünkü gündə heç nə məlum deyil. Fikrim komandanın oyunlarındadı. “İnter” iddialı komandadı və mən burada qalmaq istəyərəm. Ancaq bütün suallara mövsümün sonunda aydınlıq gələcək. Hələ ki, müqaviləm var və “İnter”ə məxsusam”.
Qeyd edək ki, Ə.İsmayılov “İnter”lə 6 aylıq müqavilə bağlamışdı.
