Topaz Premyer Liqasının 16-cı turundan təxirə salınmış oyunda “Bakı” “Turan”ı 4-0 hesabı ilə məğlub edərək ilk altılığa düşmək şanslarını bir qədər yaxşılaşdırdı.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir:
Əfqan Talıbov, “Turan” klubunun baş məşqçisi: “Yalnız ilk 30 dəqiqədə səhvsiz oynadıq. Buraxılan ilk qoldan sonra oyunumuz pozuldu, səhvlər artdı. Fasilədəki əvəzetmələrlə dönüş yaratmağa çalışdıq. Lakin qapımıza vurulan qollar komandanı tamamilə ruhdan saldı. Qarşıda “Xəzər Lənkəran”la səfər oyunumuz var, çox çətin olacaq. Həmin oyunda xal qazanmalıyıq”.
Bojidar Bandoviç, “Bakı” klubunun baş məşqçisi: “Məqsədimiz yalnız qələbə qazanmaq idi. Buna yaxşı oyunla nail olduq. Turnir cədvəlində vəziyyətimizi yaxşılaşdırdıq. “Altılıq” uğrunda mübarizəni sona kimi davam etdirəcəyik. Həm oyundan, həm də nəticədən razı qaldım. İlk hissədə daha çox qol vurmalı idik. Bu qələbə ilə qarşıdakı 3 oyuna ümidlə yollanmaq baxımından da lazım idi”.
