“Neftçi” və “Sumqayıt”dan qələbə
01.12.2018 , 20:58
Bu gün Topaz Premyer Liqasında 13-cü tura start verilib.
Ilk oyun günündə 2 qarşılaşma keçirilib.
Çempionatın debütantı “Sabah” öz meydanında lider “Neftçi”ni qəbul edib. Elşad Əhmədovun komandası üç matçlıq qələbə həsrətinə son qoymağa çalışıb. Lakin meydan sahibləri rəqibin azlıqda qalmasına baxmayaraq, say üstünlüyündən yararlana bilməyib. “Neftçi” 2:1 hesaı ilə qalib gələrək liderliyini möhkəmləndirib.
Mövsümdə ilk dəfə ev oyununu Sumqayıtda keçirəcək şəhərin eyni adlı komandası isə “Səbail”i qəbul edib. Görüş meydan sahiblərinin 1:0 hesablı qələbəsi ilə başa çatıb.
Qeyd edək ki, tura “Qəbələ” – “Zirə” (2 dekabr) və “Qarabağ” – “Keşlə” (3 dekabr) oyunları ilə yekun vurulacaq.
Topaz Premyer Liqası
13-cü tur
1 dekabr (şənbə )
19:00. “Sumqayıt” – “Səbail” – 1:0
Qol: Atilla Yıldırım, 60
Hakimlər: Əliyar Ağayev, Rza Məmmədov, Akif Əmirəli, Rauf Allahverdiyev
“Kapital Bank Arena”
16:30. “Sabah” – “Neftçi” – 1:2
Qol: Anton Krivotsyuk, 21 (0:1), Mirabdulla Abbasov, 39 (0:2), Marko Deviç, 76 (1:2)
Qırmızı vərəqələr: Tural Axundov, 33 (“Neftçi”), Vanderson, 70 (“Sabah”), Baqali Dabo, 83 (“Neftçi”)
Hakimlər: Rəhim Həsənov, Yaşar Abbasov, Cavanşir yusifov, Ramil Əhmədov
“Əlincə Arena”
2 dekabr (bazar)
17:00. “Qəbələ” – “Zirə”
Hakimlər: Vüqar Həsənli, Namiq Hüseynov, Cəmil Quliyev, Rövşən Rəcəbov
Qəbələ şəhər stadionu
3 dekabr (bazar ertəsi)
19:00. “Qarabağ” – “Keşlə”
Hakimlər: Alik Yunusov, Mübariz Haşımov, Rahil Ramazanov, Ramiz Məhərrəmov
Tofiq Bəhramov adına Respublika stadionu
