"Dünən baş verən olaylar məni çox üzdü. Mən indi də davanın epizodlarına baxıram və görünür ilk olaraq kimi qalmaqal salıb. Ümumiyyətlə "Neftçi"nin "qoçu"ları hər zaman bu tip olaylar törədirlər. Onlar bunu ilk dəfə deyil ki, edirlər. Həmin ki, "qoçu"lardı hər bizimlə oyunda bizə qarşı eyni hərəkəti edirlər. Bu təkcə "Xəzər Lənkəran"a deyil, bütün Azərbaycan futboluna ziyan verir".
Bu sözləri Korner.az-a açıqlamasında "Xəzər Lənkəran"ın icraçı direktoru Höccət Hacıyev deyib.
"Ağ-yaşıllar"ın rəsmisi bu insidentə Stamenkoviçin səbəb olduğunu bildirib:
"Stamenkoviç penaltilər seriyasında Sialmasa qarşı etdiyi meymunluğu bütün Azərbaycan gördü. 120 dəqiqəlik oyun zamanı hər şey gözəl idi. Stamenkoviç qapıya keçəndən sonra meymunluq etməyə başladı. Bunu hər kəs gördü. Mən özüm də, əvvəllər "Neftçi"yə azarkeşlik etmişəm. Xalq komandasını xalqın gözündən salan qüvvələr var "Neftçi"də. Niyə bizim digər komandalarla oyunda davamız düşmür? Çünki biz məğlubiyyəti də həzm etməyi bacarırıq. Dünənki oyunda da bu belə oldu. Ancaq "Neftçi"nin "qoçu"ları yenə səhnəyə çıxdılar və öz mundar hərəkətlərindən qalmadılar.. Məsələ hüquq mühafizə orqanları tərəfindən araşdırılmalıdı və cinayətkar qanun qarşısında cavab vermnəlidi".
Səxavət Qurbanov
