"Komanda olaraq tam formalaşmamışıq" - Millimizin üzvü

"Komanda olaraq tam formalaşmamışıq" - Millimizin üzvü

15 Oxunma

Avropa çempionatının seçmə mərhələsi çərçivəsində Kosoo ilə qarşılaşan 21 yaşadək futbolçulardan ibarət Azərbaycan yığması heç-heçə (0:0) edib 

Oyundan sonra komandamızın hücumçusu, matçın sonuna bir neçə dəqiqə qalmış qırmızı vərəqə alan İlkin Sadıqov Futbol11.az saytının əməkdaşının da suallarını cavablandırıb.


- Həvəssiz və əsəbi görünürdün. Bəziləri sənin oyunun sonuna yaxın qırmızı vərəqə alacağını gözləyirdi və belə də oldu. Səbəb nə idi?

- Məşqçimiz bizi oyuna yaxşı kökləmişdi. Zədəm var idi, ona görə əsəbi idim. Komandaya kömək etmək istəsəm də, alınmadı, qırmızı vərəqə aldım.

- Komandada dağınıqlıq var, intizam yoxdu. Bu fikirlə razısan?

- Komanda olaraq tam formalaşmamışıq. Təlim-məşq toplanışımızın müddəti az olur, tez-tez yığışa bilmirik. Bəlkə də ona görə öz oyunumuzu tapa bilmirik.

- Komandanın formalaşması üçün nə qədər vaxta ehtiyac var?

- Nə deyim?

- Qırmızı vərəqə almamışdan öncə real qol epizodun olsa da, yararlana bilmədin. Həmin epizodu necə şərh edə bilərsən?

- Vurmaq istəyirdim. Zərbə vursam da, qapıçı qola mane oldu.

- Sanki qol vura bilməməyinin əvəzini rəqib müdafiəçidən çıxdın...

- Elə deməzdim. Bilərəkdən rəqibə zərbə endirmədim. Belə olmasını istəmirdim.

- Kosovo ilə oyunda qazanılan 1 xalı millimiz üçün uğurlu saymaq olar?

- Yox. Bu oyunda mütləq qələbə qazanmalı idik.

- Almaniya ilə matçı bə bu oyunu millimizin baş məşqçisi Qurban Qurbanov da izləyirdi və adətən gənc futbolçular belə oyunlarda özlərini sübut etməyə çalışırlar.  Amma Almaniya ilə oyunda futbolçularda əzmkarlıq hiss etmədik. Bu, nə ilə bağlı idi?

- Heç kim məğlub olmaq istəmir. Amma Almaniyanın güclü rəqib olması ilə razılaşmalıyıq. Düşünürəm ki, bu oyunda futbolular qələbə qazanmaq istəyirdilər. Qələbəyə ac olsaq da, alınmadı.

- Almaniyaya böyükhesablı məğlubiyyətdən sonra komandada vəziyyət yaxşı deyildi. Maraqlıdı, psixoloji gərginlikdən necə çıxa bildiniz?

- Məşqçilərimiz bizi oyuna yaxşı hazırlaşdırmışdı. Oyunda da istəyimiz olduğunu göstərdik. 


futbol11.az



Köşə yazıları