“Bu hekayələrdən bezmişəm” – Robert Prosineçki

“Bu hekayələrdən bezmişəm” – Robert Prosineçki

142 Oxunma

“Hər dəfə Zaqreb və ya Belqradda baş məşqçi postu boşalan kimi KİV-də mənim adım hallanmağa başlayır. Düzünü deyim ki, bu hekayələrdən bezmişəm”

Bu sözləri Azərbaycan millisinin baş məşqçisi Robert Prosineçki deyib.

Müqaviləsi bu ilin dekabrında başa çatacaq və uzadılmayacaq xorvatiyalı adının daha bir komanda ilə yanaşı hallanmasına münasibət bildirib. 48 yaşlı mütəxəssis Serbiya yığmasının baş məşqçisi postundan ayrılan Slavolyub Muslinin yerinə keçmək ehtimalını təkzib edib: “Mən nə desəm, digər tərəf də məsələyə münasibət bildirəcək, ölçüb-biçəcək. Aydın şəkildə fikrimi ifadə etmək üçün bildirim ki, Serbiyadan mənə zəng gəlməyib. Məni bu yığmada görmək istəyənlərə təşəkkür edirəm. Amma mən Serbiya yığmasının baş məşqçisi olmayacağam. Planımda Avropada hansısa klubda işləməkdi”.

Qeyd edək ki, bunadək Prosineçkinin adı Sloveniya, Bosniya və Herseqovina yığmalarına da namizəd kimi göstərilmişdi.

apasport.az



Köşə yazıları