"Qarabağ" bizə çətin anlar yaşatdı" - "Roma"nın baş məşqçisi

"Qarabağ" bizə çətin anlar yaşatdı" - "Roma"nın baş məşqçisi

620 Oxunma

Çempionlar Liqası qrup mərhələsinin II turunda "Qarabağ" - "Roma" matçı keçirilib. Oyun qonaqların 2:1 hesablı qalibiyyəti ilə yekunlaşıb.

Oyundan sonra keçirilən mətbuat konfransında italyanların baş məşqçisi Eysebio Di Françesko jurnalistlərin önünə çıxıb. Oyun haqda danışan mütəxəssis daha sonra jurnalistlərin suallarını cavablandırıb:

- Deyə bilərikmi bu oyunda istirahət etdiniz?

- Heç də belə olmadı. İlk hissədə yaxşı oynasaq da, ikinci hissədə çətinlik yaşadıq. Rəqibin təhlükəli epizodları oldu. Mən dünən də demişdim ki, "Qarabağ" güclü rəqibdir. Çoxları elə bilir ki, bu sadəcə söz olaraq demişdim, amma meydanda olanlardan sonra hərkəs mənim sözümün təsdiqini gördü. Rəqib bizə qarşı çətin anlar yaşatdı.

- Oyunun bəzi anlarda sanki tempi eyni tuta bilmədiniz. Bu nə ilə bağlıdır?

- Bəli, sizlə razılaşıram. Eyni tempdə oyun apara bilmədik. Rəqibin vurduğu qoldan sonra çətinlik yaşadıq. Nəzərə alın ki, hələ də inkişafdayıq. Əsas odur ki, "Qarabağ"dan güclü olduq və evə 3 xalla qayıdırıq.

- Vurduğunuz qollardan sonra sanki komandanızda oyun alınmadı. Bunu arxaynçılıqla bağlı etmək olar?

- Yox, qətiyyən. Arxaynçılıqdan söhbət gedə bilməz. İki qol vurana qədər də yaxşı oynadıq, bundan sonra da epizodlar oldu. Rəqib bizə çətinlik yaratdı və yəqin ki, buna görə qol vura bilmədik.

- "Qarabağ"ın heyətində xüsusi olaraq kimi fərqləndirərdiz?

- Bütün oyunçular yaxşı oynadı. Ən çox bəyəndiyim oyunçular Mahir Mədətov, Pedro və Dino Ndlovudur



Köşə yazıları