“Bu turnirdə yeni olduğumuz üçün..." - Qurban Qurbanov

“Bu turnirdə yeni olduğumuz üçün..." - Qurban Qurbanov

440 Oxunma

Çempionlar Liqası qrup mərhələsinin ilk oyunları keçirilib. Londonda "Qarabağ"ı əbul edən "Çelsi" böyükhesablı qələbəyə sevinib.

"Zadəganlar" "atlılar"ın qapısından 6 cavabsız qol keçirib. Oyundan sonra keçirilən mətbuat konfransında "Qarabağ"ın çalışdırıcısı Qurban Qurbanov oyun haqda fikirlərini səsləndirib:

"Çempionlar Liqasının qalibi olmağa namizəd bir komandayla oynadıq, “Çelsi”nin gücü hər kəsə məlumdur. Təbii ki, müəyyən səhvlər etdik, bu da bizim bu turnirdə ilk oyunumuz olmağıyla bağlıdı. Səhvlərimiz üzərində işləyəcəyik. Çempionlar Liqası bizim üçün yenidir. “Qarabağ”ın baş məşqçisi olduğum üçün fəxr edirəm. Komandamızın Azərbaycanı təmsil etməsi məsuliyyətimizi artırır. Səhvlərimizdən nəticə çıxarıb öz üzərimizdə işləməyə davam edəcəyik. “Çelsi” və Antonio Konteni də qələbə münasibətiylə təbrik edirəm”

Xatırladaq ki, "Qarabağ" Çempionlar Liqasındaki növbəti oyununu sentyabrın 27-də Bakıda "Roma"ya qarşı keçirəcək



Köşə yazıları