"Xəmsə" fan-klubu: "İskəndər Cavadovu kuratorluqdan azad edin!"

"Xəmsə" fan-klubu: "İskəndər Cavadovu kuratorluqdan azad edin!"

524 Oxunma

Azərbaycan Birinci divizionunda yeni mövsümün başlanmasına çox az vaxt qalsa da, "Kəpəz"in taleyi hələ də qaranlıq qalır.

Korner.az-ın məlumatına görə, bir müddət əvvəl problemləri həll etmək üçün AFFA tərəfindən kurator təyin olunan İskəndər Cavadov isə bu işi yarıtmır.

Artıq Cavadovun səriştəsizliyi "Xəmsə" fan-klubunu dilə gətirib. Fan-klubun rəhbəri Adil Məmmədov AFFA, PFL və Gəncənin icra başçısı Elmar Vəliyevə müraciət ünvanlayıb. Müraciətdə bildirilir ki, Cavadovun işə qeyri-ciddi yanaşması ucbatından Gəncə tamamilə futbolsuz qala bilər:

"Artıq 1-ci divizionda çempionatın başlamasına sayılı günlər qalıb. “Azərinşaatservis”in klubumuza himayədarlıq etmə xəbərindən 20 gündəndə artıq keçməsinə baxmayaraq hələdə Gəncə futbolunun kuratoru İsgəndər Cavadovun bölgəyə səfəri reallaşmayıb. Kuratorun ölkənin ikinci sanaye şəhəri, zəngin tarixi ilə dünyada tanınan Gəncəmizin futboluna qeyri-ciddi yanaşması ucbatından bu ildə futbolsuz qalacağımza işarə kimi qəbul edir və AFFA-nın prezidenti Rövnəq Abdullayevə və PFL-in prezidenti Ramin Musayevə müraciət edirik.

Yuxarıda göstərilən nöqsanları nəzərə alaraq xahiş edirik İsgəndər Cavadovu bu vəzifədən azad edib onun yerinə işinə daha ciddi yanaşan başqa bir futbol adamı təyin edəsiz.

Gəncə şəhərinin İcra Başçısı cənab Elmar Vəliyevin futbola xüsusi marağını nəzərə alaraq ondan xahiş edirik ki, şəhər futolunu öz nəzarətinə və ya himayəsinə götürsün

 Xəmsə fanklubunun rəhbəri Adil Məmmədov".



Köşə yazıları