Premyer Liqa

Təmkin Xəlilzadə rəsmən “Sabah”da

29.12.2018 , 16:21

“Sabah” qış fasiləsində növbəti transferini rəsmiləşdirib.

“Qəbələ”dən ayrılan Təmkin Xəlilzadə bundan sonra “Sabah”ın uğurları üçün çalışacaq. 25 yaşlı futbolçu ilə 2 illik müqavilə bağlanıb. O, yeni klubunda 17 nömrəli forma geyinəcək.

Karyerası ərzində “Qarabağ”, “Şüvəlan”, “Zirə”də çıxış edən yarımmüdafiəçinin son klubu “Qəbələ” olub.

Təmkin əsas millimizdə 10 oyun keçirib, 1 qola imza atıb.

Xatırladaq ki, T.Xəlilzadə “Sabah” FK-nın qış fasiləsində həyata keçirdiyi ikinci transferdir. Klub bir neçə gün öncə Rəşad Eyubovla müqavilə bağlayıb.

Son yazılar

Yuxarı