Serbiyalı məşqçi “Qarabağ”ın rəqibini məhkəməyə verdi
10.09.2018 , 11:58
Serbiyalı məşqçi Sinişa Mihayloviç Portuqaliyanın “Sportinq” klubunu məhkəməyə verib.
49 yaşlı çalışdırıcı Lissabon təmsilçisindən 11,2 milyon avro kompensasiya tələb edir. O, mövsümöncəsi hazırlığa başlamamış – təyinatından cəmi 15 gün sonra qovulub. Mihayloviç hələ məzuniyyətdə olduğu vaxt müqaviləsinin pozulduğunu söyləyib.
Buna klub prezidenti Brunu de Karvalyunun istefaya göndərilməsi səbəb olub. Bununla əlaqədar baş məşqçi ilə müqavilə ləğv olunub. Onun gedişindən sonra komanda baş məşqi postuna Xose Pezeiru gətirilib.
Qeyd edək ki, “Sportinq” “Qarabağ”ın Avropa Liqasının qrup mərhələsindəki rəqiblərindəndir.
