Rumıniyalı futbolçu “Xəzər Lənkəran” azarkeşlərini yada saldı
14.01.2019 , 13:48
Hazırda Rumıniyanın IV Liqasında “Vointsa Krevedia”nın formasını geyinən Stelian Stanku “Xəzər Lənkəran”da çıxış etdiyi dövrü yada salıb
Rumıniyalı futbolçu yerli mətbuata müsahibəsində 2010/11 mövsümündə Azərbaycan Kubokunu qazandıqdan sonra Lənkəranda böyük coşqu ilə qarşılandıqlarını bildirib.
Stanku küçələrə axışan fanatların komandanın avtobusunu Lənkərana 70-80 km qalmış qarşıladıqlarını deyib: “Bundan sonra biz irəli gedə bilmirdik. Çünki bütün şəhər bizimlə idi və maşınlar bütün yolları bağlamışdılar. Onlar bizi əhatəyə almışdılar, yolda heç bir zolağa fikir vermirdilər. Əks yollara çıxır, maşınların güzgülərini sürtürdülər”.
“Xəzər Lənkəran” həmin mövsüm kubokun finalında “İnter”i (hazırkı “Keşlə”) əsas vaxtı 1:1 hesabı ilə yekunlaşmış oyunda penaltilər seriyasında məğlub edib – 4:2.
