“Nyu-York Niks” komandasının forvardı Kristaps Porzinqis bu mövsüm ciddi zədə alıb. Basketbolçunun diz bağlarının qopması onu basketbol meydanından uzaqlaşdırıb.
Hazırda bərpa olunan Porzinqisin nə zaman geri dönəcəyi məlum deyil. Bu barədə komandanın sahibi Ceyms Dolan jurnalistlərin suallarını cavablandırıb:
“Onun geri dönməsi ilə bağlı mənə çox şey deyilib. Demək olar ki, bütün müddətləri deyirlər – ən tez dekabr, ən gec gələn mövsümü də buraxmaq qorxusu. Porzinqis geri dönənə qədər sadəcə oturub gözləyə bilmərik. İnkişaf etməliyik”.
