“Özümü oyunun qəhrəmanı hesab etmirəm” – Aleksandr Qolovin
14.06.2018 , 22:30
Rusiya milli komandasının futbolçusu Aleksandr Qolovin Səudiyyə Ərəbistanı ilə oyun haqda danışıb. Rusların 5:0 hesablı qələbəsi ilə bitən matçda 1 qol 2 məhsuldar ötürmə edən futbolçu özünü matçın qəhrəmanı hesab etmir:
“Özümü oyunun qəhrəmanı hesab etmirəm. Bütün komanda yaxşı oynadı və qələbə üçün savaşdıq. Rəqib komandaya asanlıqla qalib gəlmədik. Yəqin ki, oyuna baxmayanlar matçın rahat keçdiyini düşünəcək. Ancaq ərəblər topa yaxşı yiyələnirdi və bizə çətinlik yaratdılar”.
Rusiya millisi A qrupunda Uruqvay və Misir yığması ilə qarşılaşacaq. Komanda daha bir qələbə qazansa qrupdan çıxmağı təmin edəcək.
