“Onu mütləq cəzalandıracağıq” – Nazim Süleymanov
21.10.2018 , 20:13
“Oyuna yaxşı start versək də, 15-ci dəqiqədə azlıqda qaldıq. Təəssüf ki, bu dəfə də qırmızı vərəqə aldıq”.
Bu sözləri Topaz Premyer Liqasının 8-ci turunda “Sabah”a 0-1 hesabı ilə uduzan “Sumqayıt”ın baş məşqçisi Nazim Süleymanov deyib. Təcrübəli mütəxəssis məğlubiyyəti şərh edib: “Qol şanslarından yararlana bilmədik. İkinci hissədə üstün idik. Ancaq “Sabah” əlinə düşən imkanı qola çevirdi.İkinci hissədə dəyişikliklərdən sonra üstünlük bizim tərəfəimizə keçmişdi”.
Süleymanov 15-ci dəqiqədə qırmızı vərəqə alan kapitan Vurğun Hüseynovun cəzalancağını açıqlayıb: “Onu mütləq cəzalandıracağıq. Rəqib sənə qarşı hirsli olsa da, təxribata çəkmək istəsə də, sakit olmalısan. Həmin epizodda sadə oynamaq lazım idi, rəqibi aldatmaq yox”.
