Çempionlar Liqasının II təsnifat mərhələsi çərçivəsində keçiriləcək “Neftçi” – “Zestafoni” oyununa bütün təyinatlar açıqlanıb. Korner.az-ın məlumatına görə, "Dalğa Arena"da baş tutacaq matçı rumın referi İonut Marius Avram idarə edəcək.
Matçın yan xətt hakimləri Miklos İstvan Nanri və Sebastian George olacaq.
Dördüncü hakim Draqos İstrate olacaq. Hakimlərin işinə isə maltalı hakim-inspektor Viktor Mintoff qiymət verəcək.
Qeyd edək ki, “Neftçi” – “Zestafoni” oyunu iyulun 17-də, saat 21.00-da başlayacaq.