Beynəlxalq Olimpiya Komitəsi bir neçə mühim qərarlar verib. Korner.az-ın məlumatına görə, bu ilin yayında keçiriləcək London-2012-yə qatılacaq idmançılara qoyulan qadağalar içərisində ən diqqət çəkəni isə idmançıların müsabiqə zamanı rəqibləri ilə əl sıxışmaları və öpüşmələrinin yığışdırılmasıdı.
Ümumilikdə isə "London-2012"yə qatılacaq idmançılara qoyulan qadağalar və qəbul olunan qərarlar aşağıdakı kimidi:
1. "Twitter" sosial şəbəkəsində hər hansı bir paylaşım olmayacaq.
2. Olimpiya oyunları zamanı heç bir çəkilişə (video və ya foto) icazə verilməyəcək.
3. Bədənlərində hər hansı bir döyməsi olan idmançı bunu sildirmək məcburiyyətində qalacaq.
4. İdmançıların oyunlar zamanı geyindikləri formalar üçüncü bir şəxsə pulla satılmayacaq.
5. İdmançılar və onların yaxınları turnir zamanı heç bir oyuna pul qoyuluşu edə bilməz.
6. "Facebook" və digər sosial şəbəkələrdə idmançılar öz şəkillərini dostlarına göndərə bilməyəcəklər.
7. Olimpiada bölgəsində heç bir qonaq – hər hansı bir idmançının ailə üzvləri, media nümayəndələri və sabiq olimpiya çempionları qəbul edilməyəcək.
8. Siyasi məqsədli hərəkətlərə, çıxışlara icazə verilməyəcək.
9. İdmançıların müsabiqə zamanı rəqibləri ilə əl sıxışmaları və öpüşmələri qadağan olunacaq.
