Kosovonun baş məşqçisi: “Bir xalla razılaşıram”
07.09.2018 , 22:20
Millətlər Liqasında D Divizionunun III qrupunun ilk turunda keçirilən Azərbaycan – Kosovo (0:0) matçından sonra təşkil edilən mətbuat konfransında rəqib komandanın baş məşqçisi Bernard Şalland jurnalistlərin suallarını cavablandırıb.
O, əvvəlcə oyun barədə fikirlərini bildirib:
“Bu xalla razılaşıram. Azərbaycan topla çox oynayırdı, ancaq o qədər də təhükəli olmurdu. Ancaq son dəqiqələrdə təzyiq yarada bildilər. Bizə gəlincə, yaxşı müdafiə oynadıq. Bu vacibdi. Çünki Azərbaycan topla yaxşı oynayır. Buna misal olaraq Riçard Almeydanı deyə bilərəm. Çox ağıllı futbolçudur. Hücum xəttindən heç də razı deyiləm. Əminəm ki, biz daha yaxşı oynaya bilərik”
– Matç yoldaşlıq oyununa bənzəyirdi, bunu nəyə bağlamaq olar?
– Düşünmürəm ki, bu yoldaşlıq oyununa oxşayırdı. Bu hər iki komanda üçün hörmətsizlik olar.
– Bu gün biz ötən oyunlara nisbətən fərqli oynadıq. Bu sizin 1 xal qazanmaq istəyinizlə bağlı idi?
– Haqlısızınız. Biz topla daha çox oynamalıydıq, uzun ötürmələrdən çox istifadə etməməli idik. Bu asan deyildi. Çünki rəqib həm yaxşı pressinq edirdi, həm də topla yaxşı oynayırdı.
– Bir xaldan narazısınız?
– Azərbaycan yaxşı komandadır. Bizim üçün bir xal, bu oyunla yaxşı nəticədir. Azərbaycan üçün bəlkə də sərfəli deyil. Bilirəm, elə də gözəl oyun olmadı. Ancaq bəzən xal üçün belə oynamaq lazımdır. Müdafiədə bəzi probemlərimiz var idi. Təbii ki, qalib gəlsəydik, daha yaxşı olardı.
