“Hiss edirəm ki, çətinlik çəkirəm” – “Neftçi”nin futbolçusu
12.08.2018 , 10:21
“Çox çətin oyun oldu. Hər şeyin ideal olduğunu demək olmaz. Çempionatın ilk oyununda ən önəmlisi o idi ki, qalib gəldik. Çox işləməlyik, yaxşı tərəf odur ki, bizim vaxtımız var”.
Bu sözləri “Neftçi”nin yarımmüdafiəçisi Soni Mustivar Topaz Premyer Liqasının I turunda “Sumqayıt”a 2:0 hesabı ilə qalib gəldikləri oyundan sonra deyib. Haitili futbolçu əvəzlənməyinin səbəbini açıqlayıb: “Əzələmi ilk hissənin sonlarında dartdım. Həkimlər oyuna davam etməyə məsləhət görmədilər. Sabah zədəmi müayinə edəcəyik. Hiss edirəm ki, çətinlik çəkirəm”.
Musitvar qələbənin sirrini açıqlayıb: “Biz ikili mübairəzələrdə, “ikinci mərtəbədə” yaxşı oynadıq. Qol epizodlarında da yaxşı idik”.
28 yaşlı futbolçu psixolojii problemlərinin olmadığını vurğulayıb: “Deməzdim ki, psixoloji problemimiz var, oyunda sönük deyildik. Hər qarşılaşmaya final matçı kimi yanaşırıq. Hər şeyə meydanda aydınlıq gəlir. Hərdən oyun istədiyin kimi alınmır. Oyunun alınanda hər şey yaxşı olur, alınmayanda isə əsəbi olursan”.
