Belarusun idman və turizm naziri vəzifəsinə Sergey Kovalçuk təyin olunub
O, bu vəzifəyə Aleksandr Lukaşenkonun sərəncamı ilə təyin olunub.
Yeni nazir fevralın 15-də istefaya göndərilmiş Aleksandr Şamkonu əvəzləyib.
Qeyd edək ki, Sergey Kovalçuk 14 avqust 1968-ci ildə Brest vilayətində anadan olub. O, 1989-cu ildə Odessa Ali Artilleriya Komandanlığı Məktəbini, 1999-cu ildə isə Belarus Hərbi Akademiyasını başa vurub. 1989 – 2004-cü illərdə Silahlı Qüvvələrdə xidmət etmiş Kovalçuk yeni təyinatınadək Belarus prezidentinin Təhlükəsizlik Xidmətinin əməkdaşı olub. III dərəcəli “Vətənə xidmətə görə” və I, II, III dərəcəli “Qüsursuz xidmətə görə” ordenləri ilə mükafatlandırılıb.
