Sentyabrın 7-də Amerika Birləşmiş Ştatlarının Las Veqas şəhərində güləş üzrə dünya çempionatı start götürüb.
Korner.az-ın məlumatına görə, yarışların ilk günündə yunan-Roma güləşçiləri mübarizə aparırlar.
Baş məşqçi Cəmşid Xeyrabadi, böyük məşqçi Nurəddin Rəcəbov və məşqçi Akif Əliyevin rəhbərliyi altında ölkəmizi Həsən Əliyev (66 kq), Elvin Mürsəliyev (75 kq) və Orxan Nuriyev (98 kq) təmsil edir. Mürsəliyev yarımfinala vəsiqə qazanıb, Olimpiya lisenziyasına sahib oldu.
66 kq
1/32 final – Artyom Surkov (RUS) – Həsən Əliyev 2:0
75 kq
1/32 final – Elvin Mürsəliyev – Juan Angel Escobar (MEX) 3:2
1/16 final – Jure Kuhar (SLO) – Elvin Mürsəliyev 2:3
1/8 final – İlie Cojocari (ROU) – Elvin Mürsəliyev 1:5
1/4 final – Atabek Azizbekov (KGZ) – Elvin Mürsəliyev – 0:8
1/2 final – Elvin Mürsəliyev – Roman Vlasov (RUS) – 0:6
Bürünc medal uğrunda görüş – Elvin Mürsəliyev – Dosjan Kartikov (KAZ) – 0:1
98 kq
1/32 final – Orxan Nuriyev – Laokvatis Kessidis (GRE) 2:7
Məlumat üçün bildirək ki, Las Veqasda keçirilən Dünya çempionatında 2016-cı il Rio-de Janeyro Yay Olimpiya Oyunlarına ilk lisenziyalar qazanılacaq. Çempionatda yunan-Roma güləşi üzrə, 59, 66, 75, 85, 98 və 130 kq, qadın güləşi üzrə 48, 53, 58, 63, 69 və 75 kq, sərbəst güləş üzrə isə, 57, 65, 74, 86, 97 və 125 kq çəki dərəcələrində ilk 5 yeri tutan idmançılar Olimpiadaya birbaşa vəsiqə əldə edəcək.
