Premyer Liqa

“Gedənlərin adını sabah deyərik” – Elşad Əhmədov

20.12.2018 , 19:52

“Gərgin oyun keçdi. Məğlubiyyətin əvəzini çıxmaq istəyiridk. Futbolçular tam da olmasa, 70-80 faiz güclərini qoydular. Əsas əzmkarlığı qeyd edərdim ki, bu gün meydanda onu gördük. Ancaq taktiki planda çatışmazlıqlar oldu. Ən böyük problemlərimizdən biri odur ki, hücumda top qalmır”.
Bu sözləri “Sabah”ın baş məşqçisi Elşad Əhmədov Azərbaycan kubokunun 1/4 finalının “Qəbələ” ilə cavab oyunundan (0:1) sonra mətbuat konfransında deyib.
– Filip İvanoviçin oynamamağı Qəbələdəki görüşdə etdiyi səhvlə bağlı idi?
– Yox. Sadəcə, həmin matçda zədələnmişdi.
– “Neftçi”dən ayrılan Rəşad Eyyubovun “Sabah”a keçməsi xəbəri doğrudur?
– Belə bir söhbət var. Konkterləşdirək, təklifimizi edəcəyik.
– Demişdiniz ki, gedənləri müəyyənləşdirmisiniz. Onların adlarını açıqlaya bilərsiniz?
– Onu sabah deyərik. İclasımız olacaq, bundan sonra açıqlayarıq.
– Antalayada təlim-məşq toplanışınız fərqlidir. Hamıdan tez gedirsiniz və hamıdan çox qalırsınız…
– Buna görə belə etdik ki, burda qalmağa yerimiz yoxdur. Ona görə elə Antalyada yığışmağı üstün tutduq.
qol.az

Son yazılar

Yuxarı