Filip Ozobiç: “Məşqçinin dediyini etsək, yaxşı nəticə əldə edə bilərik”
19.09.2018 , 22:00
Avropa Liqası 2018/19-cu il mövsümü çərçivəsində sabah “Qarabağ” Portiqaliyanın paytaxtı Lissabon şəhərində “Qarabağ”ın qonağı olacaq. Oyundan öncə “Sportinq”in ev oyunlarını keçirdiyi “Joze Alvalade” stadionunda mətbuat konfransı baş tutub.
“Qarabağ”ın futbolçusu Filip Ozobiç mətbuat konfransında jurnalistlərin suallarını cavablandırıb. O, əvvəlcə matç haqda danışıb:
“Sportinq” yaxşı komandadır. Düşünürəm ki, məşqçi bizə rəqibin yaxşı və pis tərəflərini göstərib. Düşünürəm ki, onun dediyinə əməl etsək, yaxşı nəticə əldə edə bilərik”
– Bakıya xalla qayıtmaq üçün “Qarabağ” nəyə ümid edə bilər?
– Güclü komandaya qarşı oynayacağımızı bilirik. Sona qədər vuruşacağıq. Yaxşı oyun oynamaq istəyirik. Bakıya da yaxşı nəticə ilə qayıtmaq istəyirik
– Sizin Almeydanı əvəz etdiyinizi düşünürlər. Bu cür müqayisələr sizi sıxmırmı?
– Almeyda yaxşı oyunçudur, onun çıxışı xoşuma gəlir. Ancaq onun tərzi mənim tərzimlə eyni deyil. Məşqlərdə daha çox çalışıram. Ümid edirəm ki, komandaya əlimdən gələnin ən yaxşısını edim