Ferdinand Mourinyoya: “Niyə keçmişlə yaşayır?”
28.11.2018 , 14:30
“Mançester Yunayted” klubunun baş məşqçisi Çempionlar Liqası V turunda “Yanq Boyz”la oyundan sonra jurnalistlərə açıqlama verib. 1:0 hesablı qələbəyə sevinən portuqaliyalı mütəxəssis yenidən qazandığı uğurları xatırladıb:
“Mən 14 dəfə Çempionlar Liqasında oynamışam və hamısında qrup mərhələsini adlamışam. Heç vaxt çalışdığım komanda turniri qrup mərhələsində başa vurmayıb. Cəmi bir çövsüm Çempionlar Liqasında çıxış etmədim, həmin il də Avropa Liqasını qazandım”
Bu barədə “Mançester Yunayted”in sabiq futbolçusu Rio Ferdinand da açıqlama verib. Mourinyonun bu sözləri onu qıcıqlandırıb: “Heç kim deyə bilməz ki, Mourinyo bundan əvvəlki iş yerlərində bərbad çıxış edib, buna heç kimin haqqı yoxdu. Çünki o, fantastik idi. Ancaq niyə keçmişlə yaşayır? Mourinyo gələcəyə baxmalıdır, hazırki gün nə etdiyini düşünməlidir”
