Dabo: “Yəqin, növbəti oyunda 3 qırmızı vərəqə alarıq”
01.12.2018 , 19:25
Topaz Premyer Liqasının XIII turunda “Neftçi” səfərdə “Sabah”la qarşılaşıb. Oyun qonaqların qalibiyyəti ilə yekunlaşıb – 2:1
Oyundan sonra” Neftçi”in futbolçusu Baqali Dabo matç haqda danışıb:
“Gözəl qələbə idi. Öz işimizi gördük. Meydanda hamı komanda yoldaşına görə döyüşdü. Bu səbəbdən çox vacib qələbə qazandıq”
Hücumçu sonra jurnalistlərin suallarını cavablandırıb:
– Gözünün içi qırmızıdır. Bu oyunda olub ?
– Xeyir, bu oyunda olmadı. Öncəki turda olmuşdu.
– İkinci sarı epizodu haqda nə deyə bilərsiz?
– Deyə bilmərəm, orda penalti var idi ,ya yox. Əminəm ki , simulyasiya deyildi. Bundan sonra qırmızı vərəqə aldım, oyun boyu vərəqə alacağımı hiss edirdim.
– Qırmızı vərəqə alacağınızı hiss edirsinizsə, niyə baş məşqçiyə əvəzlənmə haqda demədiniz?
– Yox, mən bilirəm ki, qırmızı vərəqılik heç nə etməmişəm. Çalışırdım ki, ikinci sarı vərəqə almayım. Düşünürəm ki, o qırmızı vərəqəni almamalı idim.
– Sizcə, oyun sonlarında atdığınız addımlar səhv deyildi?
– Yox, düşünmürəm. Qalib gəldik, komanda yoldaşlarımı təbrik etmək istəyirdim, yaxşı qələbə qazandıq. Deməzdim ki, səhv addım idi. Qırmızı vərəqədən sonra nə istəyirdimsə, edə bilərdim
– Oyunun sonunda qalibiyyəti emosional qeyd etdiniz, bu nə ilə bağlıdır?
– Səbəb o idi ki, iki qımırızı vərəqə aldıq. Buna baxmayaraq, çox yaxşı iş gördük, qalib gəldik. Belə qalibiyyətlər adətən insanda emosiya yaradır. Bizim üçün heç də asan oldu. Göstərdik ki, qırmızı vərəqə versələr də, qalib gələcəyik. Yəqin ki növbəti dəfə üç qırmızı vərəqə alacağıq.
