Mayın 28-də keçiriləcək Azərbaycan kubokunun “Neftçi” – “Xəzər Lənkəran” finalına sayılı günlər qaldı.
Korner.az saytının araşdırmasına görə, ilk “altılığ”dan kənar qalaraq azarkeşləri “Böyük oyun” həsrətində saxlayan Cənub klubu kubokun finalında qələbə qazanaraq mövsümü titulla bitirmək istəyir.
Ardıcıl üçüncü dəfə ölkə çempionluiğunu qazanan “Neftçi” isə “qızıl dubl” etmək niyyətindədi.
Cari mövsümdə ən çox rəqiblərini məyus edən “Neftçi” kubok oyunlarında da fəallığı ilə seçilir. Belə ki, paytaxt təmsilçisi kubokun finalına gələnə qədər rəqiblərini 10 dəfə mərkəzdən başlamağa vadar edib.
“Xəzər Lənkəran” isə əzəli rəqibindən 1 qol az vurub. “Ağ-yaşıllar” həlledici oyuna kimi rəqib qpıçılarını 9 dəfə məyus etməyi bacarıb.
“Neftçi”nin bombardiri Nikolas Kanales cəmi 1 dəfə kubok matçlarında fərqlənib. “Ağ-qaralar”ın kubok oyunlarındakı ən fəal futbolçusu isə Elvin Yunusdzadəi. Müdafiəçi paytaxt klubunun heyətində hamıdan çox 2 qol vurub. Flavinyo, Araz Abdullayev, Bahodir Nasimov, Nikolas Kanales, Elşən Abdullayev, Mahir Şükürov, Erik Ramos və Kamil Nurəmhədov hərəyə bir dəfə fərqlənə biliblər.
“Xəzər Lənkəran”da isə qol vuran futbolçuların sayı az olsa da, Lənkəran klubunda Ağabala Ramazanov 4, komandanın kapitanı Rahid Əmirquliyev isə 2 dəfə fərqlənməyi bacarıb. Finala kimi isə “Xəzər Lənkəran”ın digər qollarını Uğur Pamuk, Lusiano Olguin və Baranimir Subaşiç vurub.
Göründüyü kimi Ramazanov kubok oyunlarının ən fəal futbolçularıdan biridi və sössüz ki, “Neftçi”nin müdafiəçiləri final matçında gənc forvarda xüsusi diqqət yetirəcək.
