Bakı növbəti dəfə beynəlxalq turnirə ev sahibliyi edəcək.
Korner.az-ın məlumatına görə, fevralın 6-dan 8-dək Milli Gimnastika Arenasında «2015 NN Table Tennis Club ITTF – Europe TOP-16 Cup» yarışı keçiriləcək.
Turnirdə digər ölkələrlə yanaşı komandamızda qüvvəsini sınayacaq. Yarışa bir neçə gün qalmış «Şüa» İdman Sağlamlıq Kompleksində stolüstü tennis üzrə yığma komandanın təlim-məşq toplanışı start götürüb. Baş məşqçi Leşek Kuxarski və məşqçi Aleksandr Zudovun rəhbərliyi ilə keçirilən təlim-məşq toplanışında ümumilikdə 3 kişi və 5 qadın idmançı iştirak edir. Fevral ayının 4-dək davam edəcək toplanışda tennisçilər texniki, taktiki və ümumi fiziki hazırlıq səviyyələrini artıracaqlar. Məlumat üçün qeyd edək ki, toplanışda Polşadan Bakıya dəvət olunan 2 oğlan idmançısı da sparrinq – tərəfdaş kimi birgə məşq edərək təcrübələrini tennisçilərimizlə bölüşürlər.