“Arsenal” “Qarabağ” azarkeşləri üçün biletləri satışa çıxardı
02.11.2018 , 17:54
“Arsenal” Avropa Liqasının 4-cü turunda “Qarabağ”la keçiriləcək oyunun Ağdam təmsilçisinin azarkeşləri üçün nəzərdə tutulan biletlərini satışa çıxarıb
Ayrılan 500 bilet iki kateqoriyaya bölünüb. 45 bilet 56 manatdan, 450 bilet isə 39 manatdan satılır. Biletləri iticket.az saytından əldə etmək mümkündür.
Qeyd edək ki, “Arsenal” – “Qarabağ” matçı dekabrın 13-də Londonda “Emireyts” stadionunda keçiriləcək. Bakıdakı ilk oyunda “Arsenal” 3:0 hesablı qələbə qazanıb.
