Almeyda “Astana”da 10-luğa düşmədi
07.12.2018 , 16:41
“Astana” 2018-ci ilin ən yaxşı futbolçusunu seçib. Jurnalistər arasında keçirilən sorğunun nəticələrinə əsasən çempion komandanın kapitanı, Qazaxıstan yığmasının da əsas qapıçısı olan milliləşdirilən serbiyalı legioner Nenad Eriç birinci olub.
Xorvatiyalı yarımmüdafiəçi Marin Tomasov ikinci, Baxtiyar Zaynutdinov isə üçüncü olub. “Qarabağ”ın sabiq yarımmüdafiəçisi Pedro Enrike 8-ci yeri tutub.
Millimizin yarımmüdafiəçisi Riçard Almeyda isə ilk 10-luğa düşə bilməyib.
Qeyd edək ki, bu yay “Qarabağ”dan “Astana”ya keçən Almeyda və Enrike paytaxt klubunda mövsümün 2-ci yarısından çıxış ediblər.
