“Dünya çempionatında Almaniya yığmasının qələbəyə əsas favorit hesab edilməsi bizi narahat etmir”
Bunu Almaniya yığmasının baş məşqçisi Yoahim Löv deyib.
Rusiyanın paytaxtı Moskvada atılan DÇ-2018-in püşkünə münasibət bildirən mütəxəssis onların adı yeganə favorit kimi çəkilməməli olduğunu bildirib: “Hər turnir öncəsi bizi favorit hesab edirlər. Buna vərdiş etmişik. Bu, bizi narahat etmir. Bəli, biz favoritik, lakin bu statusa malik komandalar az deyil. Bu siyahıda İspaniya, Argentina, Braziliya, Fransa kimi yığmalar da var”.
Löv qeyd edib ki, qrupda Almaniyanın əsas rəqibi Meksika yığması olacaq: “Meksika dünyanın ən güclü komandalarından biridi. Konfederasiyalar Kubokunda biz onlara qalib gəldik. Həmin qarşılaşmada bəxtimiz gətirdi, 2 erkən qol vura bildik. İndi isə tamamilə fərqli bir oyun olacaq”