Aleksandr Qleb: “Hər şey bizim özümüzdən asılıdır”
07.08.2018 , 11:46
“Bakıya sərfəli nəticə üçün gəlmişik. Düşünürəm ki, hər iki komandanın şansları bərabərdir”.
Bu sözləri “Qarabağ”ın Çempionlar Liqasının 3-cü təsnifat mərhələsindəki rəqibi BATE-nin yarımmüdafiəçisi Aleksandr Qleb deyib. Bu gün Bakıda keçiriləcək ilk oyun öncəsi fikirlərini bölüşən təcrübəli futbolçu hər şeyin özlərindən asılı olduğunu bildirib:
“Qarabağ”ın yaxşı, oynamağı bacaran komanda olduğunu bilirik. Asan olmayacağını düşünürəm. Amma istənilən halda hər şey bizim özümüzdən asılıdır”.
Belaruslu futbolçu matçın keçiriləcəyi Tofiq Bəhramov adına Respublika stadionunda “Qarabağ”a böyük dəstək olacağı ilə bağlı suala isə bu cür cavab verib: “Anşlaq? Qoy olsun. Biz belə şeylərə öyrəşmişik”.
Qeyd edək ki, “Qarabağ” – BATE oyunu bu gün saat 21:00-da başlayacaq. Cavab matçı isə 1 həftə sonra Borisovda keçiriləcək. Həmin görüşün də başlama saatı Bakı vaxtı ilə 21:00-dır.
